سعودی ولی عہد محمد بن سلمان کا پاکستان کا دورہ ملتوی کردیا گیا۔میڈیا رپورٹس کے مطابق محمد بن سلمان نے 21 نومبر کو پاکستان کا مختصر دورہ کرنا تھا جو کہ اب ملتوی کردیا گیا ہے۔ میڈیا کی رپورٹس کے مطابق سعودی ولی عہد محمد بن سلمان کے دورہ پاکستان کی نئی تاریخ کا اعلان بعد میں کیا جائےگا۔ محمد بن سلمان کے دورہ پاکستان ملتوی کرنے کی کوئی وجہ سامنے نہیں آئی ہے۔
اس سے قبل سفارتی ذرائع کا کہنا تھا کہ ولی عہد کے دورے میں پاکستان کو 4.2 ارب ڈالرز اضافی بیل آؤٹ پیکج ملنےکی توقع ہے اور دورے میں سعودی عرب کی پاکستان میں مضبوط سرمایہ کاری متوقع ہے اور متعدد پاک سعودی پیٹرولیم معاہدوں کو آخری شکل دی جا رہی ہے۔ میڈیا رپورٹس میں کہا جا رہا ہے کہ پاکستان میں غیر یقینی سیاسی صورتحال سعودی ولی عہد کے دورے میں رکاوٹ کی وجہ ہو سکتی ہے۔
style=”display:none;”>