پاکستان تحریک انصاف کے لانگ مارچ کے دوران کامونکی کے قریب عمران خان کے کنٹینر کے نیچے آ کر جاں بحق ہونے والی نجی ٹی وی کی خاتون رپورٹر صدف نعیم کو سپردخاک کر دیا گیا۔
صدف نعیم کو لاہور کے میانی صاحب قبرستان میں سپرد خاک کیا گیا۔ اس سے قبل اچھرہ میں ان کی نماز جنازہ ادا کی گئی جس میں صحافی برادری کی بڑی تعداد کے علاوہ پی ٹی آئی، مسلم لیگ ن اور پیپلز پارٹی کے رہنماؤں نے بڑی تعداد میں شرکت کی۔
صدف نعیم کامونکی کے جی ٹی روڈ پر کنٹینر کے نیچے آ کر جاں بحق ہو گئی تھیں، وہ لانگ مارچ کے قافلے کے ساتھ ساتھ چلتی رہیں اور اس دوران کنٹینر کے ساتھ ساتھ بھاگتی ہوئی بھی نظر آئیں۔
حادثے کے بعد عمران خان اپنے کنیٹنر سے اتر کر آئے اور لانگ مارچ اگلے روز تک موخر کرنے کا اعلان کیا۔
style=”display:none;”>