شوبز شخصیات نے یوم آزادی کے موقع پر قومی پرچم کے ہمراہ تصاویر بھی شیئر کیں
ملک کے 76 ویں یوم آزادی کے موقع پر شوبز شخصیات نے خصوصی پیغامات میں قوم کو مبارکبا ددی ہے ۔اداکار عدنان صدیقی نے جشن آزادی کی مبارکباد دیتے ہوئے دعا ہے کہ ہمارا عظیم ملک ہر میدان میں ترقی کرے، ہم اپنے ملک کے بانیان کی اقدار کو برقرار رکھیں، آمین۔اداکار فیصل قریشی نے یوم آزادی کی مناسبت سے اپنے انسٹاگرام اکائونٹ پر ویڈیو پیغام جاری کرتے ہوئے صارفین کو مبارکباد دی۔
معروف گلوکار اور اداکار علی ظفر نے یوم آزادی کے موقع پر امریکا میں کنسرٹ کا اہتمام کیا۔ان کے سوشل میڈیا اکائونٹ پر شیئر کی گئی کنسرٹ کی ویڈیو میں شرکا کی بڑی تعداد ہاتھوں میں قومی پرچم تھامے نظر آئی۔
شوبز انڈسٹری کی لیجنڈ اداکارہ بشریٰ انصاری نے بھی یوم آزادی کی مبارکباد دیتے ہوئے لکھا کہ ‘صرف اور صرف باتیں نہیں پاکستان کے لیے کام بھی کریں۔انہوں نے لکھا کہ خود کو درست کریں تو پاکستان بھی ٹھیک ہوجائے گا، پاکستان زندہ باد۔
معروف اداکارہ مایا علی نے جشن آزادی کی مناسبت سے سبز اور سفید لباس میں تصاویر شیئر کیں۔اپنے اپنے انسٹاگرام اکائونٹ پر انہوں نے لکھا کہ ‘آئیے اپنے آپ سے وعدہ کریں کہ ہم اپنے ملک اور اپنی آنے والی نسلوں کے لیے ہمیشہ متحد رہیں گے۔انہوں نے لکھا کہ آئیے اپنے پاس موجود ہر چیز کی تعریف کریں اور آزادی کے عظیم معجزے کا جشن منائیں، ہم آزاد ہیں اور آزاد رہیں گے۔
اداکار بہروز سبزواری کے بیٹے شہروز سبزواری نے ایک شاپنگ مال میں یوم آزادی کی مناسبت سے تقریب کی میزبانی کی۔اپنے انسٹاگرام اکائونٹ پر تقریب کی تصاویر شیئر کرتے ہوئے انہوں نے دعا کی کہ اللہ ہمارے پیارے وطن کو خوش و خرم اور سلامت رکھے۔
style=”display:none;”>
