پاکستان اورآئرلینڈ کی خواتین ٹیموں کے درمیان کرکٹ سیریز کا آغازکل سے ہورہا ہے۔
سیریز کے آغاز سے قبل قومی خواتین ٹیم کی کپتان بسمہ معروف نے نیوز کانفرنس کرتے ہوئے کہا کہ آئی سی سی چیمپئن شپ کا حصہ ہونے کے باعث میچز ہمارے لئے بہت اہم ہیں ،کوشش ہو گی تینوں میچز میں اچھا کھیلیں۔ انہوں نے کہا کہ کیمپ بہت اچھا رہا،اپنی غلطیوں پر کام کر رہے ہیں۔
آئرش ٹیم کی کپتان لاؤرا۔ڈیلانی نے کہا کہ پاکستان آکر اچھا لگ رہا ہے، یہاں آکر بہت انجوائے کر رہے ہیں۔کنڈیشنز سے واقف ہونے کی کوشش کر رہے ہیں، کھیل کے تمام شعبوں میں بہتری کےلئے کوشاں ہیں۔ انہوں نے کہا کہ سیریز صلاحیتیں نکھارنے کےلئے اہم ثابت ہوگی۔
پاکستان اور آئرلینڈ ویمنز ٹیموں کے درمیان لاہور میں 3 ون ڈے اور 3 ٹی ٹوئنٹی میچز شیڈول ہیں۔ شائقین کے لیے داخلہ مفت رکھا گیا ہے اور عوام کے لیے 4 انکلوثرز کھولے جائیں گے۔
style=”display:none;”>
