پاکستان نے افغانستان میں امریکی انسداد دہشت گردی ڈرون آپریشن میں پاکستان کی فضائی حدود کے استعمال سے متعلق افغانستان کے قائم مقام وزیر دفاع کے الزامات پر گہری تشویش ظاہر کرتے ہوئے کہا ہے کہ ایسے بیانات سفارتی طرزِ عمل کے خلاف ہیں۔
دفتر خارجہ کے ترجمان کی جانب سے جاری بیان کے مطابق افغانستان کی جانب سے کسی ثبوت کے بغیر جیسا کہ خود افغان وزیر نے اعتراف کیا ہے، اس طرح کے قیاس آرائیوں پر مبنی الزامات انتہائی افسوسناک اور ذمہ دارانہ سفارتی طرز عمل کے اصولوں کے منافی ہیں۔
ترجمان نے کہا کہ پاکستان تمام ریاستوں کی خودمختاری اور علاقائی سالمیت پر اپنے یقین کا اعادہ کرتا ہے اور وہ ہر قسم کی دہشت گردی کی مذمت کرتا ہے۔
ترجمان نے افغان عبوری حکام پر زور دیا کہ وہ افغانستان کی جانب سے کئے گئے بین الاقوامی وعدوں کی تکمیل کو یقینی بنائیں کہ وہ اپنی سرزمین کسی بھی ملک کے خلاف دہشت گردی کے لیے استعمال نہ ہونے دیں گے۔
style=”display:none;”>
