کراچی: سندھ ہائی کورٹ نے ایم پی او کے تحت پی ٹی آئی کارکنوں کی گرفتاری و نظر بندی کے خلاف درخواستوں کی سماعت کرتے ہوئے ایم پی او کے تحت نظر بند تمام شہریوں اور پی ٹی آئی کارکنان کو رہا کرنے کا حکم دے دیا۔
چیف جسٹس سندھ ہائی کورٹ احمد علی ایم شیخ نے کیس کی سماعت کی۔دورانِ سماعت محکمۂ داخلہ سندھ اور پولیس حکام سندھ ہائی کورٹ میں پیش ہوئے۔ ایڈیشنل ایڈووکیٹ جنرل نے کہا کہ درخواست کے قابلِ سماعت ہونے کا مسئلہ ہے ۔
چیف جسٹس سندھ ہائی کورٹ نے ریمارکس دیے کہ یہ ایک شہری کی آزادی کا مسئلہ ہے، نظر بند کیے جانے والوں کے خلاف کیا مواد ہے؟ ایڈیشنل ایڈووکیٹ جنرل نے کہا کہ ہمیں موقع دیا جائے کہ ہم درخواست گزاروں کے خلاف مواد پیش کر دیں گے۔
