ترکیہ کے صدر رجب طیب اردگان کی دعوت پر وزیراعظم محمد شہباز شریف 25 سے 26 نومبر 2022 تک ترکیہ کا دو روزہ سرکاری دورہ کریں گے۔ وزیر اعظم محمد شہباز شریف اور صدر اردگان استنبول شپ یارڈ میں پاک بحریہ کے لیے چار ملجم کارویٹ جہازوں میں سے تیسرے پی این ایس خیبر کا افتتاح کریں گے۔
دونوں رہنما دوطرفہ تعلقات، علاقائی صورتحال اور مشترکہ دلچسپی کے دیگر امور پر بھی بات چیت کریں گے۔ وزیراعظم ترکیہ کی کاروباری برادری کے رہنماؤں سے بھی ملاقات کریں گے۔ ای سی او ٹریڈ اینڈ ڈویلپمنٹ بینک (ای ٹی ڈی بی) کے صدر بھی وزیراعظم کے استنبول میں قیام کے دوران ان سے ملاقات کریں گے۔ پاکستان اور ترکیہ کے درمیان مشترکہ تعاون پر مبنی منصوبہ پاکستان-ترکی اسٹریٹجک پارٹنرشپ میں ایک اہم سنگ میل کی حیثیت رکھتا ہے۔
پاک بحریہ کے لیے پہلے کارویٹ پی این ایس بابر کی لانچنگ تقریب اگست 2021 میں استنبول میں کی گئی تھی جبکہ دوسرے جہاز پی این ایس بدر کا سنگ بنیاد مئی 2022 میں کراچی میں منعقد کیا گیا تھا۔
style=”display:none;”>
