پی آئی اے نے چین کے شہر چینگڈو کے لیے پروازوں کا آغاز کر دیا ۔پہلی پروازگزشتہ روز اسلام آباد سے چینگڈو کے لیے روانہ ہوئی۔ قومی ایئر لائن اسلام آباد سے چینگڈو کیلئے بدھ کو ہفتہ وار ایک پرواز چلا ئے گی۔
پی آئی اے کے سینئر حکام نے پہلی پرواز کے مسافروں کو رخصت کیا اور اسلام آباد آنے والے مسافروں کو خوش آمدید کہا۔ مسافروں نے چینگڈو کے لیے پروازیں شروع کرنے پر پی آئی اے انتظامیہ کو سراہا۔
اس موقع پر وزیر ہوا بازی خواجہ سعد رفیق نے پروازوں کے آغاز پر پی آئی اے حکام کو مبارکباد دیتے ہوئے کہا کہ قومی ایئر لائن کے نیٹ ورک میں یہ نیا اضافہ دونوں ممالک کے درمیان دوستانہ تعلقات کو مزید بہتر کرنے کے ساتھ کاروبار اور تجارت کو سہل بنانے میں بھی مددگار ثابت ہوگا۔\
سی ای او ایئر وائس مارشل عامر حیات نے پی آئی اے حکام کو ہدایت کی کہ وہ چینگڈو کے لیے فلائٹ آپریشن کو کامیاب بنانے کے لیے تمام تر کوششیں کریں۔
style=”display:none;”>
