پاکستان تحریک انصاف کے چیئرمین عمران خان نے فارن فنڈنگ کیس کی تحقیقات میں وفاقی تحقیقاتی ایجنسی کے نوٹس کا جواب دینے سے انکار کردیا ہے۔
سابق اٹارنی جنرل انور منصور خان کے ذریعے بھجوائے گئے اپنے تحریری جواب عمران خون نے ایف آئی اے کمرشل بینک سرکل اسلام آباد کی ڈپٹی ڈائریکٹر آمنہ بیگ کو بھجوایا ہے۔
عمران خان کا تحریری جواب میں کہنا ہے کہ آپ کو جوابدہ ہوں نہ ہی معلومات فراہم کرنے کا پابند ہوں، دو دن میں نوٹس واپس نہ لیا تو قانون کے تحت آپ کے خلاف کارروائی کروں گا۔
انہوں نے جواب میں نوٹس بھجوانے کو ایف آئی اے کی بدنیتی قرار دیا اور کہا کہ پی ٹی آئی سے تفصیلات اور دستاویزات طلب کرنا ایف آئی اے کے دائرہ کار میں نہیں، الیکشن کمیشن نے فیصلہ نہیں دیا بلکہ رپورٹ جاری کی۔
عمران خان کا کہنا تھاکہ الیکشن کمیشن ایف آئی اے یا کسی اور ادارے کو اس رپورٹ کی بنیاد پر حکم نہیں دےسکتا، ایف آئی اے کے پاس پولیٹیکل پارٹیز آرڈر 2002 کے تحت کارروائی کا اختیار نہیں، جاری کیاگیا نوٹس ایف آئی اے ایکٹ سے بھی متصادم ہے۔
ان کا مزید کہنا تھا کہ سپریم کورٹ متعدد فیصلوں میں الیکشن کمیشن کو انتظامی ادارہ قرار دے چکی ہے، الیکشن کمیشن عدالت ہے نہ ہی ٹریبونل۔ ایف آئی اے کمرشل بینک سرکل نے عمران خان سے بینک اکاؤنٹس سے متعلق تفصیلات طلب کی تھیں۔
style=”display:none;”>
