وفاقی وزیر خزانہ مفتاح اسماعیل کا کہنا ہے کہ شرمندہ ہوں میری وزارت میں مہنگائی ہو رہی ہے، سری لنکا میں پیٹرول 3 ہزار روپے میں مل رہا ہے۔
تفصیلات کے مطابق وفاقی وزیر خزانہ مفتاح اسماعیل کا کہنا ہے کہ شرمندہ ہوں میری وزارت میں مہنگائی ہو رہی ہے، ملک کے 47 سالوں میں یہ سب سے زیادہ مہنگائی ہے۔
اے آر وائی کے مطابق مفتاح اسماعیل کا کہنا تھا کہ سری لنکا میں پیٹرول 3 ہزار روپے میں مل رہا ہے، گیس ختم ہو رہی ہے اور وہاں پیٹرول پمپس پر طویل قطاریں لگی ہوتی ہیں۔
انہوں نے کہا کہ اگر میں اقدامات نہ اٹھاتا تو 2 ماہ میں پاکستان کا دیوالیہ ہوجاتا، شہباز شریف کو وزیر اعظم بننے سے قبل پیٹرول کی قیمتوں پر بریفنگ دی تھی، واضح کردیا تھا کہ یہ سب اقدامات اٹھانے لازمی ہیں۔
مفتاح اسماعیل کا مزید کہنا تھا کہ کہہ دیا تھا کہ اگر یہ سب نہیں کر سکتے تو کیئر ٹیکر حکومت کو بیٹھنے دیں۔
style=”display:none;”>
