معروف اداکار افضال احمد لاہور کے جنرل ہسپتال میں انتقال کرگئے۔
انتظامیہ جنرل ہسپتال کے مطابق افضال احمد کو برین ہیمریج کےباعث یکم دسمبر کو ہسپتال لایا گیا تھا۔ سینئر اداکار مختصر علالت کے بعد لاہور میں انتقال کرگئے۔ افضال احمد گزشتہ 21 برس سے فالج کی وجہ سے وہیل چیر تک محدود تھے۔ فلمی دنیا میں افضال احمد کو ان کے گورے رنگ کی وجہ سے افضال چٹا کہا جاتا تھا۔
نامور اداکار افضال احمد جھنگ کے سید گھرانے میں پیدا ہوئے، انہوں نے ایچی سن سے تعلیم حاصل کی۔ اداکاری کے شوقین افضال احمد نے اپنے 35 سالہ کیریئر کے دوران اردو، پنجابی، پشتو فلموں میں کام کیا۔ انہوں نے اپنی بہترین اداکاری کے جوہر کے باعث 90 کی دہائی میں خوب شہرت کمائی۔
فالج کے مرض میں مبتلا ہونے کے بعد زبان پر لقوہ پڑگیا جس کے باعث وہ قوت گویائی سے محروم ہوگئے اور معذوری کے باعث وہیل چیئر پر آگئے تھے۔
style=”display:none;”>
