آسٹریلیا میں ٹی 20کرکٹ ورلڈ کپ کےابتدائی مرحلے کے پانچویں میچ میں نیدرلینڈز نے نمیبیا کو 5وکٹوں سے ہرادیا۔
جیلانگ میں کھیلے جا رہے میچ میں نمیبیانے ٹاس جیت کر بیٹنگ کا فیصلہ کیا اورمقررہ 20اوورزمیں 6وکٹوں پر 121رنز بنائے۔ جان فرائی لنک نے سب سے زیادہ 43رنز کی اننگز کھیلی۔مائیکل وین لنگن20،اسٹیفن۔ بارڈ 19 اور جیرہارڈ۔ ایرازمس 16رنز بنا سکے۔نیدرلینڈزکی طرف سے۔ باس ڈی لیڈ نے 2 کھلاڑیوں کو آؤٹ کیا۔
نیدرلینڈز نے 122رنز کاہدف آخری اوورکی تیسری گیند پر 5 وکٹوں پر حاصل کیا۔ اوپنرز وکرم جیت سنگھ اور میکس اوڈاڈ نے ٹیم کو 59 رنز کا آغاز دیا۔ وکرم سنگھ 39 رنزبناکر آؤٹ ہوئے۔ میکس او ڈاڈ نے 35 رنز بنائے۔ باس ڈی لیڈ 30 رنز کے ساتھ ناٹ آؤٹ رہے۔
نمیبیا کی جانب سے جے جے سمٹ نے 2 وکٹیں اپنے نام کیں۔ برنارڈ شولز اور جان فرائی لنک کے حصے میں ایک۔ ایک وکٹ آئی۔
آج کے دوسرے میچ میں سری لنکا اور متحدہ عرب امارات کی ٹیمیں ایک بجے مدمقابل ہوں گی۔
style=”display:none;”>
