دبئی ( خصوصی رپورٹ) انٹرنیشنل کرکٹ کونسل نے ٹیسٹ اور ون ڈے کھلاڑیوں کی نئی رینکنگ جاری کردی۔
ون ڈے بیٹرز کی رینکنگ میں پاکستان کے بابر اعظم بدستور سرفہرست ہیں۔بابراعظم کے 886 ریٹنگ پوائنٹس ہیں۔جنوبی افریقہ کے’’ راسی۔ وین۔ ڈر۔ ڈوسن‘‘دوسرے، پاکستان کے فخر زمان تیسرے نمبراورامام الحق چوتھے نمبر پر موجود ہیں۔ ون ڈے بولرز میں آسٹریلیا کے جوش ہیزل ووڈکا پہلا نمبر برقرار ہے۔ پاکستان کے شاہین آفریدی 10 ویں نمبر پر موجود ہیں۔ ٹیسٹ بیٹرز میں آسٹریلیا کے ’’مارنس۔ لبوشین ‘‘915 پوائنٹس کےساتھ سرفہرست ہیں۔ نیوزی لینڈ کے’’ کین۔ ولیمسن ‘‘دوسرے ،آسٹریلیا کے ’’سٹیون۔سمتھ ‘‘تیسرے اوربابر اعظم ایک درجہ ترقی کے بعد چوتھے نمبر پر آگئے۔ ٹیسٹ بولرز میں بھارت کے’’ایشوین ‘‘کو پہلی پوزیشن حاصل ہے۔ پاکستان کے شاہین آفریدی کی 5ویں پوزیشن ہے۔
