بالاسور،اڑیسہ ( الاخبار مانیٹرنگ) بھارتی ریاست اڑیسہ کے ضلع بالاسور میں دو ٹرینوں کے حادثہ میں ابتدائی اطلاعات کے مطابق کم از کم 50 افراد ہلاک اور 350سے زائد زخمی ہو گئےہیں۔ حادثہ اس وقت پیش آیا جب مغربی بنگال کے شالیمار سٹیشن سے چنائی جانے والی ٹرین بالاسور ضلع میں پہنچی تو وہاں مخالف سمت سے آنے والی ٹرین الٹ کر دوسری پٹڑی پر جا گری۔ اس ٹرین دس بارہ بوگیاں مخالف سمت سے آنے والی پٹڑی پر تھیں۔ اس دوران مغربی بنگال سے آنے والی ٹرین دھماکے سے آ کر ان بوگیوں سے ٹکرائی اور اس کی تین بوگیاں دور جا گریں۔ یہ حادثہ جمعہ کی شام مقامی وقت کے مطابق سات بجے پیش آیا۔
