ایرانی صدر ابراہیم رئیسی نے کہا ہےکہ ایران نے سعودی عرب کو کبھی بھی اپنا دشمن نہیں سمجھا۔ عرب میڈیا کے مطابق جمعرات کو ایرانی صدر ابراہیم رئیسی نے ایک بیان میں کہا کہ ایران نے کبھی بھی سعودی عرب کو اپنا دشمن نہیں سمجھا، اسلامی جمہوریہ ایران کے قوانین کے مطابق ہم اسرائیل کی صیہونی حکومت کو عالم اسلام کا مشترکہ دشمن سمجھتے ہیں۔
مارچ میں سعودی عرب اور ایران نے اعلان کیا تھا کہ وہ سات سال کے بغیر رسمی تعلقات کے بعد سفارتی تعلقات بحال کرنے کے لیے چین کی ثالثی میں ایک معاہدے پر پہنچ گئے ہیں۔ اس معاہدے کے مطابق دونوں ممالک نے سفارت خانے اور قونصل خانے دوبارہ کھولنے اور 20 سال قبل طے پانے والے سکیورٹی اور اقتصادی تعاون کے معاہدوں پر عمل درآمد پر اتفاق کیا تھا۔
********
