امریکا میں لینڈنگ کی کوشش کے دوران طیارہ گر کر تباہ، 2 ہلاک

طیارے کا ملبہ ایئرپورٹ کے نزدیک جنگل سے ملا، فوٹو : فائل

کیلی فورنیا: امریکی ریاست کیلی فورنیا میں ایک چھوٹا طیارہ ہنگامی لینڈنگ کی کوشش کے دوران زمین سے ٹکرا کر تباہ ہوگیا جس کے نتیجے میں 2 افراد ہلاک ہوگئے۔

عالمی خبر رساں ادارے  کے مطابق امریکی ریاست کیلی فورنیا کے جنوبی علاقے میں واقع غیر معروف اور کم استعمال ہونے والے ماؤنٹ پلیژنٹ ریجنل ایئرپورٹ پر ایک انجن ولا چھوٹا طیارہ گر کر تباہ ہوگیا۔

طیارہ کا اڑان بھرنے کے کچھ ہی دیر بعد کنٹرول روم سے رابطہ منتقل ہوگیا تھا جس پر ایک ہیلی کاپٹر اور کشتی کو وانڈو جھیل کے علاقے میں سرچ آپریشن کے لیے بھیجا گیا جنہیں طیارے کا ملبہ ایئرپورٹ کے نزدیک مل گیا۔

ریسکیو اداروں نے امدادی کاموں کا آغاز کرتے ہوئے طیارے کے ملبے سے دو لاشیں نکالی ہیں جن کی شناخت 68 سالہ گلین لیمب اور 70 سالہ مائیکل گیگلیوبیانکو کے نام سے ہوئی ہے۔ دونوں دوست میرٹل بیچ کے رہائشی ہیں۔

وفاقی ایوی ایشن نے طیارہ حادثے کی تحقیقات کے لیے انکوائری کمیٹی تشکیل دے دی ہے۔ امریکا میں نجی طور پر زیر استعمال چھوٹے طیاروں کے حادثات معمول بن گئے ہیں جس کے سدباب کیلیے حکومت نے ایک کمیٹی بھی تشکیل دے رکھی ہے۔

You might also like More from author