کشمیری بھارتی جبرکا بہادری سے مقابلہ کر رہے ہیں، آرمی چیف

  • کشمیریوں کوکبھی تنہانہیں چھوڑیں گے، مسئلہ کشمیر پر اپنا حقیقی کردار ادا کرتے رہیں گے، بھارتی فوج ایل او سی پر سیز فائر معاہدے کی خلاف ورزی کرتے ہوئے شہریوں کو نشانہ بنا رہی ہے
  • آرمی چیف کا لائن آف کنٹرول کا دورہ ،پاک فوج کے سپہ سالار کو ایل او سی کی تازہ ترین صورتحال بارے بریفنگ ، جنرل قمر جاوید باجوہ کی جوانوں سے بھی ملاقات ،بلند حوصلے کو سراہا، آئی ایس پی آر

راولپنڈی(صباح نیوز)پاک فوج کے سپہ سالار جنرل قمر جاوید باجوہ نے کہا ہے کہ کشمیریوں کو کبھی بھی تنہا نہیں چھوڑیں گے اور مسئلہ کشمیر پر ہر قیمت پر اپنا حقیقی کردار ادا کرتے رہیں گے وہ بدھ کو لائن آف کنٹرول پر فوجی جوانوں سے گفتگو کررہے تھے ،پاک فوج کے شعبہ تعلقات عامہ (آئی ایس پی آر)کے ڈائریکٹر جنرل میجر جنرل آصف غفور کے مطابق آرمی چیف نے لائن آف کنٹرول کا دورہ کیا ہے، دورے کے دوران پاک فوج کے سپہ سالار کو ایل او سی کی تازہ صورتحال کے بارے میں آگاہ کیا گیا۔اس موقع پر آرمی چیف جنرل قمر جاوید باجوہ کا کہنا تھا کہ کشمیریوں کو کبھی بھی تنہا نہیں چھوڑیں گے اور مسئلہ کشمیر پر ہر قیمت پر اپنا حقیقی کردار ادا کرتے رہیں گے۔ان کا کہنا تھا کہ بھارتی فوج ایل او سی پر سیز فائر معاہدے کی خلاف ورزی کرتے ہوئے شہریوں کو نشانہ بنا رہی ہے۔پاک فوج کے سپہ سالار کا مزید کہنا تھا کہ مقبوضہ کشمیر کی عوام وادی کے محاصرے کے باوجود بھارتی جبر و تسلط کا بہادری کے ساتھ مقابلہ کر رہی ہے۔ آرمی چیف نے دورے کے دوران جوانوں سے بھی ملاقات کی اور ان کے بلند حوصلے کو بھی سراہا۔

Scroll To Top