’گیم آف تھرونز‘ نے ایمی ایوارڈ اپنے نام کرلیا

فینٹسی سیریزاس سے قبل لگاتار آٹھ مرتبہ ایمی ایوارڈ کے لئے نامزد ہو چکی ہے: فوٹو: فائل

ایچ بی اوکی مقبول ترین سیریز’گیم آف تھرونز‘ نے ایمی ایوارڈزکے رنگا رنگ میلے میں سال کا بہترین ڈرامہ ہونے کا اعزاز حاصل کیا۔ مشہورسیریزنے اس سال بارہ مختلف کیٹیگریوں میں ایوارڈز اپنے نام کیے۔

کنگ ان دی نارتھ، مدر آف ڈریگن اوردی لاسٹ لینسٹرجیسے بہترین کرداروں نے اس سیریزکو چارچاند لگائے۔ ٹیرین لینسترجیسا بہترین کردار ادا کرنے پر پیٹر ڈنکلیج کو بہترین معاون اداکارکے ایوارڈ سے نوازا گیا۔ فینٹسی سیریزاس سے قبل لگاتار آٹھ مرتبہ ایمی ایوارڈ کے لئے نامزد ہوچکی ہے جس میں سے تین مرتبہ ایوارڈ جیتنے میں کامیاب ہوئی۔

Scroll To Top