بھارت کو بڑی سفارتی شکست :مسئلہ کشمیر پر سلامتی کونسل کا ہنگامی اجلاس آج طلب

  • وزیر خارجہ شاہ محمود قریشی نے اقوام متحدہ کی سلامتی کونسل کا اجلاس بلانے کےلئے خط لکھا تھا،،قوی امکان ہے مقبوضہ کشمیر کا مسئلہ سلامتی کونسل میں بند دروازے کے پیچھے 16 اگست کو زیر بحث آئے، صدر سلامتی کونسل
  • بھارت نے سلامتی کونسل کا اجلاس بلائے جانے سے روکنے کےلئے ہر ممکن کوشش کی مگر ناکام رہا،پچاس سال میں یہ پہلا موقع ہے کہ سلامتی کونسل میں مسئلہ کشمیر زیر بحث آ ئے گا، مذکورہ پیشرفت کو نئی دہلی کی ہزیمت سے تعبیر کیا جا رہا ہے

نیویارک (این این آئی)عالمی سطح پر بھارت کو بڑی سفارتی کا شکست کرنا پڑا اور کشمیر پر بھارتی قبضے کا معاملہ 50 سال بعد اقوام متحدہ کی سلامتی کونسل تک پہنچ گیا ہے۔تفصیلات کے مطابق بھارت کی جانب سے 5 اگست کو مقبوضہ کشمیر کی خصوصی حیثیت سے متعلق آرٹیکل 370 ختم کیے جانے اور مقبوضہ وادی میں کرفیو کے بعد پیدا ہونے کشیدہ صورت حال پر پاکستان کے وزیر خارجہ شاہ محمود قریشی نے اقوام متحدہ کی سلامتی کونسل کا اجلاس بلانے کےلئے خط لکھا تھا۔اب اقوام متحدہ کی سلامتی کونسل نے مقبوضہ کشمیر کی صورتِ حال پر اجلاس جمعہ کو طلب کر لیا ہے۔ایک سوال کے جواب میں اقوام متحدہ کی سلامتی کونسل کی صدر جوانا رونیکا نے کہا کہ قوی امکان ہے کہ مقبوضہ کشمیر کا مسئلہ سلامتی کونسل میں بند دروازے کے پیچھے 16 اگست کو زیر بحث آئے۔بھارت نے سلامتی کونسل کا اجلاس بلائے جانے سے روکنے کےلئے ہر ممکن کوشش کی مگر ناکام رہا۔پچاس سال میں یہ پہلا موقع ہے کہ سلامتی کونسل کشمیر کے معاملے پر اجلاس منعقد کر رہی ہے جو عالمی سطح پر بھارت کی بڑی شکست ہے

Scroll To Top