بھارت مسئلہ کشمیر پر دنیا کو گمراہ کرنے کیلئے کچھ بھی کر سکتا ہے، آرمی چیف

  • مقبوضہ وادی میں ریاستی جبر کا ہتھکنڈا استعمال کیا جا رہا ہے، ہم سچ کے لیے کھڑے ہیں کھڑے رہیں گے ، قربانیاں دیتے رہیں گے
  • نئی دہلی کو مقبوضہ کشمیر میں سنگین جرائم کی پردہ پوشی نہیں کرنے دیں گے،کشمیر ی بہن بھائیوں کے شانہ بشانہ رہیں گے، قمر جاوید باجوہ


راولپنڈی(الاخبار نیوز)آرمی چیف جنرل قمر جاوید باجوہ نے کہا ہے کہ بھارت مقبوضہ کشمیر میں ریاستی جبر کا ہتھکنڈا استعمال کررہا ہے۔پاک فوج کے شعبہ تعلقات عامہ ( آئی ایس پی آر) کے مطابق آرمی چیف جنرل قمر جاوید باجوہ نے لائن آف کنٹرول کا دورہ کیا،آرمی چیف نے باغ سیکٹر میں جوانوں کے ساتھ عید کی نماز ادا کی۔آرمی چیف جنرل قمر جاوید باجوہ نے کہا کہ حکومت نے کشمیر کے بحران کے حل کے لیے مختلف اقدامات کیے ہیں، مسئلہ کشمیر کا ہر ممکن طور پر حل چاہتے ہیں۔ آرمی چیف نے کہا کہ بھارت کشمیر کی صورت حال سے عالمی توجہ ہٹانے کی کوشش کررہا ہے، بھارت عالمی توجہ کو ایل او سی، پاکستان کی طرف موڑنا چاہتا ہے، بھارت کو کشمیر میں ظلم سے توجہ ہٹانے میں کامیاب نہیں ہونے دیں گے۔جنرل قمر جاوید باجوہ نے کہا کہ ہمارا دین امن کا درس دیتا ہے، ہم سچ کے لیے کھڑے ہیں اور قربانیاں دیتے رہیں گے۔ آرمی چیف نے کہا کہ کشمیر کے بہن بھائیوں کے ساتھ شانہ بشانہ کھڑے ہیں، انشا اللہ کتنا ہی وقت لگے، مشکلات آئیں چیلنج کا مل کر سامنا کریں گے۔انہوں نے کہا کہ بھارت، مسئلہ کشمیر پر دنیا کو گمراہ کرنے کے لیے کچھ بھی کرسکتا ہے، بھارت کو مقبوضہ کشمیر میں کیے سنگین جرائم کی پردہ پوشی نہیں کرنے دیں گے۔

Scroll To Top