شہباز اور حمزہ کے کہنے پر منی لانڈرنگ کی مشتاق چینی شہباز فیملی کے کالے دھن کو سفید کرنے کیلئے فرنٹ مین کا کردار اد کیا مجسٹریٹ کے روبرو بیان

  • مشتاق چینی نے 2 نجی بنکوں کے ذریعے 37 ٹرانزیکشنز سے متعلق ریکارڈ فراہم کر دیا،2 بےنکس اکاونٹس کے ذریعے 50 کروڑ 44 لاکھ 4 ہزار 899 روپے کی غیر ملکی ترسیلات موصول ہوئیں، سلمان شہباز کے اکاﺅنٹ میں 60 کروڑ 30 لاکھ 54 ہزار بذریعہ چیکس منتقل کیے
  • دوران تفتیش مشتاق چینی کے مختلف بنکوں میں 23 بنکس اکاﺅنٹس سامنے آئے، جن سے سینکڑوں مشکوک ٹرانزیکشنز ہوئیں ،، مشتاق چینی نا صرف سہولت کار بلکہ شریف فیملی کا بے نامی دار بھی ہے، نیب ذرائع


لاہور (الاخبار نیوز) شہباز شریف فیملی کے وعدہ معاف گواہ مشتاق چینی نے بیان ریکارڈ کرا دیا۔ جوڈیشل مجسٹریٹ ضلع کچہری نے مشتاق چینی کا بیان ریکارڈ کیا۔ مشتاق چینی نے بیان میں کہا شہبازشریف اور حمزہ شہباز شریف کے کہنے پر منی لانڈرنگ کی ، شہبازشریف فیملی کے کالے دھن کوسفید کرنے میں مرکزی کردارادا کیا۔یاد رہے مشتاق چینی نے اقرار جرم کر کے وعدہ معاف گواہ بننے کی درخواست چیئرمین نیب کو دی تھی، گزشتہ روز مشتاق چینی کو چیئرمین نیب جسٹس (ر) جاوید اقبال کے روبرو پیش کیا گیا تھا۔ مشتاق چینی نے نیب کو 2 نجی بنکوں کے ذریعے 37 ٹرانزیکشن سے متعلق نیب کو ریکارڈ فراہم کر دیا۔ انہوں نے کہا 2 بےنکس اکاونٹ کے زریعے 50 کروڑ 44 لاکھ 4 ہزار 899 روپے کی غیر ملکی ترسیلات موصول ہوئیں، سلمان شہباز کے اکاونٹ میں 60 کروڑ 30 لاکھ 54 ہزار بذریعہ چیکس منتقل کیے۔مشتاق چینی نے نیب کو 6 کروڑ 10 لاکھ 27 ہزار 612 روپے کی غیر ملکی ترسیلات کے بارے میں بھی بتایا۔ نیب ذرائع کے مطابق دوران تفتیش مشتاق چینی کے مختلف بنکوں میں 23 بنکس اکاونٹ سامنے آئے، 23 بنک اکاونٹس میں سیکڑوں مشکوک ٹرانزیکشن ہوچکی ہیں جو اربوں روپے کی ہیں، مشتاق چینی نے اپنے اور کمپنی کے نام پر یہ کاونٹس بنا رکھے تھے، مشتاق چینی نا صرف سہولت کار بلکہ شریف فیملی کا بے نامی دار بھی ہے۔نیب ذرائع کے مطابق مشتاق چینی نے 9 غیر ملکی کرنسی کی مشکوک ٹرانزیکشن کا ریکارڈ نیب کو فراہم کر دیا ہے، 9 ٹرانزیکشن کے زریعے 6 کروڑ 10 لاکھ 27 ہزار 612 روپے منتقل ہوئے، مشتاق چینی کو 12 جنوری 2009 تک تواتر سے غیر ملکی ترسیلات موصول ہوتی رہیں۔ نیب لاہور مشتاق چینی کا دفعہ 164 ریکارڈ کروانے کے بعد واپس چلے گئی۔یاد رہے مشتاق چینی کا دفعہ 164 کا بیان ریکارڈ کیا گیا، چیئرمین نیب نے مشتاق چینی کی وعدہ معاف گواہ بننے کی درخواست منظور کی تھی۔ مشتاق چینی کو کل چیئرمین نیب جسٹس (ر) جاوید اقبال کے روبرو پیش کیا گیا تھا۔

Scroll To Top