مقبوضہ کشمیر: بھارتی فوج کی فائرنگ سے مزید8کشمیری شہید

  • قابض فوج نے سوپور میں علاقے کا محاصرہ کرکے نام نہاد سرچ آپریشن میں 2 کپواڑا میں 3 اور ریاسی میں3 نوجوانوں کوشہید کر دیا
  • سرچ آپریشن میں گن شپ ہیلی کاپٹرز بھی استعمال کیے گئے جب کہ علاقے میں انٹرنیٹ سروس معطل اور تعلیمی ادارے بند رہے

ھارتی فوج کی فائرنگ سے مزید8کشمیری شہید

سری نگر(مانیٹرنگ) بھارتی فوج نے مقبوضہ کشمیر کے مختلف علاقوں میں سرچ آپریشن کے دوران فائرنگ کرکے مزید 8 کشمیریوں کو شہید کردیا۔کشمیر میڈیا سروس کے مطابق بھارتی فوج نے ایک بار پھر ریاستی دہشت گردی کا مظاہرہ کرتے ہوئے مقبوضہ کشمیر کے مختلف علاقوں میں سرچ آپریشن کے دوران فائرنگ سے(باقی صفحہ7 بقیہ نمبر13
8 کشمیری نوجوانوں کو شہید کردیا۔قابض فوج نے مقبوضہ کشمیر کے علاقے سوپور میں علاقے کا محاصرہ کرکے سرچ آپریشن میں 2 کشمیریوں کو شہید کردیا جس کے بعد کپواڑا کے علاقے میں بھی سرچ آپریشن کیا گیا جس میں 3 نوجوانوں کو فائرنگ سے شہید کردیا گیا اور 3 نوجوانوں کو ریاسی کے علاقے میں شہید کیا گیا۔بھارتی فورسز نے علاقے میں سرچ آپریشن کے نام پر گھر گھر تلاشی لی، سرچ آپریشن میں گن شپ ہیلی کاپٹرز بھی استعمال کیے گئے جب کہ علاقے میں انٹرنیٹ سروس معطل ہے اور تعلیمی ادارے بھی بند ہیں۔ دوسری جانب گزشتہ روز ہندواڑہ میں 2 نوجوانوں کی شہادت پر مختلف علاقوں میں شٹر ڈاو¿ن ہڑتال کی جارہی ہے۔ سڑکوں پر ٹریفک نہ ہونے کے برابر ہے جب کہ نہتے کشمیریوں کو احتجاج سے روکنے کے لیے بھارتی فوج کی بھاری نفری تعینات کی گئی ہے۔

Scroll To Top