جوہی چاولہ کی کراچی آمد، ’جوانی پھر نہیں آنی 2‘ پر خوبصورت تبصرہ

g

جوہی چاؤلہ نے پاکستان آنے کی اطلاع ٹوئٹر پر شیئر کی فوٹو:فائل

کراچی: بالی ووڈ کی مقبول ترین اداکارہ جوہی چاولہ ان دنوں شہر قائد میں موجود ہیں۔

نامور بالی ووڈ اداکارہ جوہی چاؤلہ کراچی میں موجود ہیں۔ انہوں نے کراچی آمد سے متعلق اپنے ٹوئٹر اکاؤنٹ پر لکھا کہ ’’اس وقت کراچی میں موجود ہوں اور اپنے دوستوں اور گھروالوں کے ساتھ بوٹ کلب پر لنچ کرنے آئی ہوں، اس کے بعد ہم فلم دیکھنے جائیں گے۔‘‘

جوہی چاؤلہ نے بتایا کہ وہ اپنے دوستوں اور گھر والوں کے ساتھ حال ہی میں ریلیز ہوئی فلم ’جوانی پھرنہیں آنی2‘ دیکھنے سینما جائیں گی۔ اتفاق سے یہ فلم پاکستانی لڑکے اور بھارتی لڑکی کے درمیان محبت کی کہانی کے گرد گھومتی ہے۔

واضح رہے کہ یہ پہلی بار نہیں کہ جوہی چاؤلہ پاکستان کے شہر کراچی آئی ہیں بلکہ اس سے قبل بھی وہ کئی بار پاکستان خصوصاً کراچی کا دورہ کرچکی ہیں۔ آخری بار جوہی چاؤلہ 2016 میں  اپنے رشتے داروں کی شادی میں شرکت کے لیے آئی تھیں۔

Scroll To Top