کینیڈا میں فائرنگ سے دو پولیس افسران سمیت 4 افراد ہلاک

t

پولیس نے ایک شخص کو حراست میں لے کر علاقے کا محاصرہ کر رکھا ہے۔ فوٹو : بی بی سی

اوٹاوہ: کینیڈا  میں مسلح افراد کی فائرنگ سے دو پولیس افسران سمیت 4 افراد ہلاک ہوگئے جب کہ پولیس نے ایک ملزم کو گرفتار کرلیا۔

پولیس کے مطابق فائرنگ کا  واقعہ آج صبح فریڈرکٹن کے رہائشی علاقے میں پیش آیا جس میں 2 پولیس افسران سمیت 4 افراد ہلاک ہوگئے  جب کہ فائرنگ کے واقعے میں ملوث ایک ملزم کو گرفتار کرلیا گیا ہے۔

canada firing

فائرنگ کے واقعے کے بعد پولیس کی بھاری نفری نے علاقے کو گھیرے میں لے کر ملزمان کی گرفتاری کے لیے آپریشن شروع کردیا جب کہ ریسکیو اداروں نے لاشوں اورزخمیوں کو اسپتال منتقل کیا۔

پولیس کا کہنا ہے کہ حملے کی مزید تفصیلات فی الوقت سامنے نہیں لائی جاسکتیں، عوام ہلاک ہونے والے ہمارے ساتھیوں کے اہل خانہ کی حوصلہ افزائی کریں،  واقعے کی مزید تفصیلات جلد سامنے لائی جائیں گی۔

قبل ازیں پولیس نے شہریوں کو ہدایت جاری کی تھی کہ مسلح افراد کی گرفتاری تک  گھروں سے نہ نکلیں۔

Scroll To Top