اورنج لائن ٹرین منصوبہ:نیب نے تحقیقات کا دائرہ کار وسیع کر دیا

  • ٹھیکوں سے متعلق اہم ریکارڈ تک دسترس حاصل کرلی،من پسند افراد کو مہنگے دامو ں ٹھیکے دیئے گئے اور من پسند شقیں معاہدے میں شامل کی گئیں
  • حکومت پنجاب کی طرف سے متعلقہ ریکارڈ کی فراہمی سے انکار کے باوجود قومی احتساب بیورو اپنے ذرائع سے ریکارڈ حاصل کرنے میں کامیاب

اورنج لائن ٹرین منصوبےلاہور ( الاخبار نیوز) نیب نے اورنج لائن ٹرین پراجیکٹ کی تحقیقات کا دائرہ کار وسیع کر دیا، نیب کو اورنج لائن پراجیکٹ میں ٹھیکوں سے متعلق اہم ریکارڈ مل گیا جبکہ حکومت پنجاب نے نیب کو اہم ریکارڈ دینے سے انکار کر دیا۔ اورنج لائن ٹرین پراجیکٹ جس پر پہلے ہی سوالات اٹھتے رہے ہیں اور نیب اورنج لائن پراجیکٹ میں مبینہ کرپشن کی شکایات پر تحقیقات کر رہا ہے۔ نیب کو مختلف ذرائع سے کئی اہم ریکارڈ مل گیا۔ذرائع کے مطابق اورنج ٹرین میں مہنگے ٹھیکے دئیے گئے، ٹھیکے دینے کے معاہدے میں من پسند شقیں شامل کی گئیں۔ ٹھیکیداروں کو جو ٹھیکہ دیا اس پر مکمل عملدرآمد ہی نہ ہوا ہے۔ اورنج ٹرین روٹ پر ٹھیکیداروں کو ٹھیکہ دیا، پھر سڑکوں کے الگ سے ٹھیکے دئیے۔نیب نے چائینہ سے ہونیوالا معاہدے کی کاپی فراہم کرنیکا حکم دیا ہے، مگر پنجاب حکومت نے چائینہ اور حکومت کے درمیان ہونیوالا معاہدہ نیب کو فراہم کرنے سے انکارکر دیا ہے۔

Scroll To Top