کسی انسان کو صحت مند کیسے قرار دیا جاسکتا ہے؟

yصحت ایسی دولت ہے جس کے بغیر لمبی زندگی بوجھ محسوس ہونے لگتی ہے اور دنیا بھر میں ہر ایک کو ہی مختلف بیماریوں کا سامنا ہوتا ہے۔

مگر کیا کوئی بتا سکتا ہے کہ کوئی شخص صحت مند ہے یا نہیں ؟ یا اس کی کیا نشانیاں ہوتی ہیں؟

اگر آپ اس سے واقف نہیں تو یہاں وہ 8 علامات جان لیں جو کہ کسی فرد کے صحت مند ہونے کی نشاندہی کرتی ہیں۔

اگر یہ نشانیاں آپ کے اندر ہیں تو آپ بھی صحت مند ہیں، چاہے آپ خود کو بیمار یا کمزور ہی کیوں نہ سمجھتے ہوں۔

بھوک لگنے پر ہی کھانا اور اعتدال میں کھانا

اگر تو آپ باہر کھانے کے عادی نہیں اور نہ ہی نفسیاتی طور پر کھانے کی لت کے شکار ہیں، تو یہ آپ کی صحت کے لیے اچھا ہے اور اس حوالے سے فکرمند ہونے کی ضرورت نہیں۔

صحت بخش غذا

اگر آپ لذیذ اور مختلف غذاﺅں کو کھاتے ہیں اور فاسٹ فوڈ یا چاولوں تک ہی محدود نہیں، اسی طرح میٹھا کھانے یا پینے سے گریز کرتے ہیں، تو یہ اچھی صحت کو برقرار رکھنے کے لیے اہم علامت ہے۔

جسمانی ضروریات کے مطابق کھانا

ہر شخص کی خوراک کی اپنی ضروریات ہیں، ایسا کوئی فارمولا نہیں جو یہ تخمینہ لگاسکے کہ آپ کو کتنی کیلوریز کی ضرورت ہے، یہ ہر ایک کی انفرادی ضرورت ہے۔ آپ بہت کم کھاسکتے ہیں یا بہت زیادہ، جو اکثر لوگ نارمل سمجھتے ہیں۔ سب سے اہم امر یہ ہے کہ اپنے جسم کی سنیں اور سمجھیں کہ وہ کیا چاہتا ہے۔ اگر ایسا کرپاتے ہیں تو اچھی صحت آپ کے ہاتھ میں ہی ہے۔

لفٹ کی جگہ سیڑھیوں کو ترجیح دینا

یہ اس بات کی علامت ہے کہ آپ اچھی جسمانی ساخت رکھتے ہیں، صحت مند سمجھنے کے لیے بہت زیادہ اسٹینما کی ضرورت نہیں، اگر آپ سیڑھیاں چڑھتے ہوئے خود کو مرنے کے قریب نہیں سمجھتے تو یہ اس بات کی نشانی ہے کہ صحت ٹھیک ٹھاک ہے۔ طبی ماہرین کے مطابق اگر آپ کسی بلند عمارت میں کچھ منزلوں پر سیڑھیاں بغیر وقفے کے چڑھ جاتے ہیں اور منزل پر پہنچنے پر ٹھیک ہوتے ہیں تو جسمانی طور پر آپ صحت مند ہیں، یا جسم روزمرہ کی جسمانی سرگرمیاں آرام سے سرانجام دے سکتا ہے۔

مختلف جذبات کا احساس

نفسیاتی صحت کا جسم سے بھی بہت گہرا تعلق ہے۔ ایک تحقیق کے مطابق کبھی کبھار غصہ کرنا ایک عام چیز ہے، اداسی بھی نارمل ہے جبکہ چڑچڑا پن اور مایوسی محسوس کرنا بھی غیرمعمولی نہیں۔ یہ تمام جذبات اچھی ذہنی صحت کی نشانی ہیں۔

فوراً نہیں سوتے

یقیناً جسمانی طور پر سخت دنوں میں لیٹتے ہی سونا عام ہے، تاہم اگر ایسا روز ہو تو وہ ضرور غیرمعمولی ہے۔ طبی ماہرین کے مطابق سونے کے عام معمول میں 10 سے 20 منٹ لگتے ہیں کیونکہ اس کے دوران جسم پرسکون ہوتا ہے اور پھر نیند کی حالت میں چلاجاتا ہے۔

Scroll To Top