ڈیوس کپ ٹائی؛ پاکستان نے کوریا کے خلاف 0-2 سے برتری حاصل کرلی

zاعصام الحق اور عقیل خان نے سنگلز مقابلوں میں حریفوں کو زیر کیا۔ فوٹو : فائل

 اسلام آباد: ڈیوس کپ ایشیا اوشیانا گروپ ون ٹائی میں پاکستان نے کوریا کے خلاف 0-2 سے برتری حاصل کر لی۔

پاکستان سپورٹس کمپلیکس اسلام آباد کے گراس کورٹ پر شیڈول ایونٹ میں آج سنگلز مقابلے ہوئے، پہلے میچ میں اعصام الحق نے جنوبی کوریا کے سون ووکون 2-1 سے شکست دی، ان کی فتح کا سکور 6-3، 1-6 اور 7-6 رہا۔ دوسرے سنگلز میچ میں قومی نمبر ون عقیل خان نے کورین حریف سیون چین ہانگ کو 2-1 سے زیر کیا۔ انہوں نے 4-6، 7-5 اور 7-5 سے کامیابی سمیٹی۔

پاکستان نے ٹائی میں 0-2 کی برتری حاصل کر لی ہے، ہفتہ کو ڈبلز اور ریورس سنگلز کھیلے جائیں گے۔ ڈبلز میں اعصام الحق اور عقیل خان کا مقابلہ کوریا کے سون ووکون اور یانگ کیو لیم سے ہو گا، پہلے ریورس سنگل میں عقیل خان اور سون ووکون آمنے سامنے ہوں گے جبکہ اعصام الحق اور سیون چین ہانگ دوسرے میچ میں ٹکرائیں گے۔

Scroll To Top