وزیر اعظم کو گھر بھیجنے کیلئے عمران خان کو آخری حد تک جانا ہو گا: پرویز مشرف

  • پیپلز پارٹی نواز شریف کا احتساب نہیں چاہتی کیونکہ اس کے تمام لوگوں کی بیرون ملک اربوں روپے کی جائیدادیں ہیں،سابق صدر

Image result for pervez musharraf

نیو یارک (مانیٹرنگ ڈیسک) سابق صدر پرویز مشرف نے کہا ہے کہ پیپلز پارٹی نواز شریف کا احتساب نہیں چاہتی کیونکہ اگر نواز شریف کا احتساب ہوا تو پیپلز پارٹی والوں کا بھی ہوگا۔ عمران خان کی تقریروں سے حکومت نہیں جائے گی، نواز شریف کو گھر بھیجنے کیلئے عمران خان کو آخری حد تک جانا ہوگا۔نجی ٹی وی ایکسپریس نیوز کے پروگرام کل تک میں گفتگو کرتے ہوئے سابق صدر پرویز مشرف کا کہنا تھا کہ پیپلز پارٹی نواز شریف کا احتساب نہیں چاہتی کیونکہ اس کے تمام لوگوں کی بیرون ملک اربوں روپے کی جائیدادیں ہیں۔ پیپلز پارٹی نے 2008 سے 2013 تک ملک کو خوب لوٹا اور اگر نواز شریف کا احتساب ہوا تو پیپلز پارٹی والوں کا بھی ہوگا۔انہوں نے کہا کہ ن لیگ کی حکومت 2018 تک چلے گی، 2014 کی طرح اگر عمران خان نے کنٹینر پر چڑھ کر تقریریں کیں تو ناکام ہوں گے۔ عمران خان اور قادری نے لمبے دھرنے کیے لیکن بیچ میں ہی چھوڑ دیا، عمران خان کی تقریروں سے حکومت نہیں جائے گی۔ نواز شریف کو گھر بھیجنے کیلئے عمران خان کو آخری حد تک جانا ہوگا۔

Scroll To Top