8 سال بعد سری لنکن ٹیم کی پاکستان آمد پرکھلاڑیوں کے شاندارتبصرے

cپاکستان آمد پر کھلاڑی خوش اور بے حد پرجوش ہیں؛فوٹوفائل

کراچی: سری لنکا کی ٹیم 8 سال بعد ٹی 20 سیریز کا آخری میچ کھیلنے کے لیے پاکستان پہنچ گئی ہے۔ سری لنکن ٹیم کی پاکستان آمد پر   پاکستانی شائقین  کے ساتھ کھلاڑی بھی بے خوش ہیں اورسوشل میڈیا پرمختلف تبصرے کرکے اپنی خوشی کا اظہار کررہے ہیں۔

شعیب ملک نے تمام پاکستانیوں کو مخاطب کرتے ہوئے کہا کہ کیا آپ تیار ہیں؟ ہم اپنے گھر پہنچ چکے ہیں، یہ وقت تاریخ میں یاد رکھا جائے گا، تسی تیار رہو۔شعیب ملک اپنی اہلیہ ثانیہ مرزا کے ہمراہ لاہور پہنچے ہیں۔

برطانوی نژاد پاکستانی باکسرعامر خان بھی اس موقعے پر بے انتہا خوش ہیں انہوں نے ٹوئٹر پر پیغام دیتے ہوئے کہا ہے کہ وہ پاک سری لنکا کا میچ دیکھنے کے لیے لاہور پہنچ چکے ہیں۔ اس کے علاوہ انہوں نے آج رات کے میچ کے لیے پی سی بی کی جانب سے شرٹ کا تحفہ دئیے جانے پر بھی شکریہ ادا کیا۔

محمد حفیظ نے ٹوئٹر پرسری لنکن ٹیم کوخوش آمدید کہتے ہوئے کہا کہ پاکستان ہمیشہ کی طرح نہایت  جوش وخروش سے آپ کی میزبانی کرنے کے لیے  تیار ہے۔

Heartiest welcome to @OfficialSLC to Pakistan , lovely ppl & friends forever ???, Pakistan is ready to host U all with warm hospitality as always

احمد شہزاد نے سری لنکن ٹیم کا پاکستان آمد پرشکریہ اداکیااورکہا پاکستانی اسٹیڈیم میں ایک بار پھر پاک سری لنکا میچ دیکھنا حیرت انگیز احساس ہے۔

Big thx 2 Sri Lanka team 4 coming 2 Pakistan in our own stadium is going 2 B an amazing feeling. Let’s show them Lhr Lhr hai

کرکٹرعماد وسیم نے بھی سری لنکن ٹیم کی پاکستان آمدپر شکریہ ادا کیا اور کہا کہ پاکستانی شائقین کے سامنے میچ کھیلنے کے لیے بالکل بھی صبر نہیں ہورہا، پاکستان زندہ باد۔

قومی کرکٹر کامران اکمل نے 8 سال قبل پاکستان میں سری لنکن ٹیم پر حملے سے متعلق افسوس کا اظہار کرتے ہوئے کہا کہ یہ پاکستان کے لیے بہت بڑا سانحہ تھاجس کے باعث ایسا محسوس ہونے لگا تھا کہ انٹرنیشنل کرکٹ ہم سے دور چلی جائے گی۔ تاہم سات آٹھ سال بعد پاک الیون کے دوران انٹرنیشنل کرکٹ ٹیم پاکستان آئی اوراب وہ ہی سری لنکن ٹیم ہے انشا اللہ یہ ٹی ٹوئنٹی میچ کامیاب ہوگا۔ ہم سری لنکا کی ٹیم کو خوش آمدید کہتے ہیں اگر یہ میچ خیر خیریت سے گزر گیا تو مزید بین الاقوامی ٹیمیں بھی پاکستان آئیں گی۔

قومی کرکٹ ٹیم کے کپتان سرفراز احمد نے ویڈیو پیغام میں سری لنکن ٹیم کی پاکستان آمد پر خوشی کا اظہار کرتے ہوئے کہا کہ ہم سری لنکن ٹیم کی پاکستان آمد پر بہت زیادہ خوش اور پرجوش ہیں۔ انہوں نے سری لنکا کی ٹیم کا شکریہ اداکرتے ہوئے کہا کہ پاکستانی دونوں ٹیموں کو سپورٹ کریں گے۔ آج پاکستان میں بہترین کرکٹ دیکھنے کو ملے گی۔

Scroll To Top