بغداد میں خود کش حملہ، 30 افراد ہلاک

بغداد

عراق کے حکام کا کہنا ہے کہ دارالحکومت بغداد میں شیعہ برداری پر کیے گئے ایک خود کش حملے میں کم سے کم 30 افراد ہلاک ہو گئے ہیں۔

حکام کے مطابق یہ حملہ شہر کے شمالی ضلعے کے ایک مصروف بازار کے ایک خمیے میں ہوا جس میں 60 سے زائد افراد زخمی بھی ہوئے۔

عراق میں شیعہ زائرین حضرت امام حسین کی برسی کی تقریبات میں حصہ لے رہے ہیں۔

تاحال کسی نے اس حملے کی ذمہ داری قبول نہیں کی ہے تاہم ماضی میں ایسے حملے نام نہاد دولتِ اسلامیہ کی جانب سے کیے جاتے رہے ہیں۔

اطلاعات ہیں کہ حملہ آور نے دن کے کھانے کے اوقات میں دھماکہ کیا جس وقت یہاں زائرین کی بڑی تعداد موجود ہے۔

بغدادImage 
حملہ میں 60 سے زائد افراد زخمی ہوئے

مشرق وسطی میں بی بی سی کے ایڈیٹر سبیسچیئن اوشیر کا کہنا ہے کہ سنی جنگجو اکثر حملوں کے لیے ایسے زائرین کو ہدف بناتے رہتے ہیں جن میں بڑی پیمانے پر ہلاکتیں ہوئی ہیں۔

رواں برس دولتِ اسلامیہ نے بغداد میں کئی حملے کیے جن میں سینکڑوں افراد ہلاک ہوچکے ہیں اور یہ عراق میں ان کے خلاف حکومتی کارروائی کے بعد ایک بڑا علاقہ ان کے ہاتھوں سے نکل جانے کا ردِ عمل قرار دیا جا رہا ہے۔

Scroll To Top