مشال قتل کیس 7ملزمان کی انسداد دہشتگردی کی عدالت میں پیشی

Image result for ‫مشال قتل کیس‬‎

اسلام آباد(مانیٹرنگ ڈیسک)مشال قتل کیس کے 7ملزمان نے پولیس کے سامنے اعتراف جرم کرلیا جبکہ چارسدہ سے مزید دوطلبا کوحراست میں لے لیاگیا ہے۔مشال قتل کیس کے سات ملزمان کو پولیس نے انسداددہشت گردی کی خصوصی عدالت مردان میں پیش کیا، پولیس نے بتایا کہ تمام ملزمان نے پولیس کے سامنے اپنے جرم کا اعتراف کرلیاہے، اس لئے اعترافی بیان ریکارڈ کرانے کے لئے سول کورٹ میں پیش ہونے کی اجازت دی جائے جس کے بعد تمام سات ملزمان کوسول کورٹ میں پیش کردیاگیا۔
واقعے کے بعدمبینہ حلف لینے کی نئی وڈیومیں نظرآنےوالے ملزمان کی گرفتاری کے لئے بھی چھاپے مارے جارہے ہیں۔چارسدہ کے علاقے سرڈھیری سے پولیس نے مزید دوطلبائ کوحراست میں لے لیاہے۔اس اہم کیس میں اب تک 24ملزمان کو باضابطہ گرفتارکیاجاچکاہے۔عبدالولی خان یونیورسٹی 13اپریل سے بند ہے، مشال کے گھر تعزیت کے لئے آنے والوں کا سلسلہ جاری ہے۔واضح رہے کہ یونیورسٹی کے طالب علم مشال کوتوہین مذہب کے الزام میں ہجوم نے تشددکرکے قتل کردیاتھا۔

Scroll To Top