حکومت نے ملک میں بھارتی فلموں کی نمائش بحال کردی

وزیراعظم سیکرٹریٹ کی منظوری کے بعد وفاقی وزارت اطلاعات نے غیرملکی مواد کی بحالی کا نوٹی فکیشن جاری کیا۔ فوٹو؛ فائل

اسلام آباد: حکومت نے بھارتی فلموں سمیت غیرملکی مواد کی نمائش پر عائد پابندی اٹھاتے ہوئے بحالی کا نوٹی فکیشن جاری کردیا۔

ایکسپریس نیوز کے مطابق  حکومت نے بھارتی فلموں اور غیر ملکی مواد پر عائد پابندی اٹھاتے ہوئے بھارتی فلموں اور ڈراموں کی نمائش بحال کرنے کا نوٹی فکیشن جاری کردیا۔ نوٹی فکیشن میں بتایا گیا ہے کہ غیرملکی مواد کی نمائش سے پابندی اٹھانے کا فیصلہ پاکستان فلم انڈسٹری کی بحالی کے اقدام کے طورپر کیا گیا ہے۔

ذرائع کے مطابق وزیراعظم سیکرٹریٹ نے  بھارتی فلموں سمیت غیرملکی مواد پر عائد پابندی اٹھانے کی منظوری دی جس کے بعد وفاقی وزارت اطلاعات کی جانب سے بحالی کا نوٹی فکیشن جاری کیا گیا۔

واضح رہے کہ بھارتی حکومت کی جانب سے پاکستان کے خلاف جارح رویہ اپنانے اور پاکستان کو دنیا میں تنہا کرنے کے اعلانات کے بعد موجودہ حکومت نے گزشتہ سال اگست میں بھارتی فلموں کی نمائش پر پابندی عائد کردی تھی۔

Scroll To Top