بھارتی فلموں کے لیجنڈ اداکار ششی کپور چل بسے

shششی کپور کو بولی ووڈ کے سب سے بڑے ایوارڈ’داداصاحب پھالکے‘سے نوازا گیا تھا،فوٹو:فائل

 ممبئی: بھارتی فلم انڈسٹری کے لیجنڈری اداکار ششی کپور طویل علالت کے بعد 79 سال کی عمر میں چل بسے۔

بھارتی میڈیا کے مطابق ششی کپور کا اصل نام بلبیر راج کپور تھا، وہ اداکار پرتھوی راج کپور کے بیٹے جب کہ راج کپور اور شمی کپور کے بھائی تھے۔ انہوں نے اپنے فنی کیرئیر کا آغاز بطور چائلڈ ایکٹر 1948 میں فلم ’’آگ‘‘ سے کیا جب کہ 1961 میں ریلیز ہونے والی فلم’’دھرم پترا” میں مرکزی کردار ادا کیا۔ 70 اور 80 کی دہائی میں انہوں نے کئی لازوال فلموں میں کام کیا۔

بالی ووڈ لیجنڈ ششی کپور نے 175 سے زائد فلموں میں اداکاری کے جوہر دکھائے اور کئی ایوارڈز اپنے نام کیے ۔ وہ اداکاری کے جوہر دکھانے کے ساتھ ساتھ کئی فلموں کے پروڈیوسر بھی تھے۔ انہوں نے بھارتی سینماؤں کو کئی بہترین فلمیں دیں جو آج بھی مقبول ہیں۔

ششی کپور کی شہرہ آفاق فلموں میں ’’دیوار‘‘،’’وجیتا‘‘، ’’کبھی کبھی‘‘،’’نمک حلال‘‘،’’سہاگ‘‘،’’محافظ‘‘ اور’’مسٹر رومیو‘‘ شامل ہیں، ان کی اداکارہ راکھی کے ساتھ جوڑی کو بالی ووڈ کی کامیاب ترین جوڑی قرار دیا جاتا ہے اور اپنی جانداراداکاری کی بدولت اعلی ترین فلمی ایوارڈ اپنے نام کرچکے ہیں تاہم ان کی فلم ’’ دیوار‘‘ میں ان کا ڈائیلاگ ’’میرے پاس ماں ہے‘‘ کو کافی شہرت حاصل ہوئی۔

One of the most iconic dialogues ever, . You will continue to inspire future generation of actors. Condolences to family and friends.

یہ بھی پڑھیں:  ششی کپور کے نام ’’داداصاحب پھالکے ایوارڈ‘‘ 

ششی کپور طویل عرصے سے بیمار تھے تاہم 2014 میں سینے میں انفیکشن کے بعد انہوں نے گوشہ نشینی اختیار کرلی تھی۔ان کی موت پر اداکاروں اور ان کے مداحوں نے گہرے دکھ اورافسوس کا اظہار کیا ہے جب کہ بولی ووڈ فلم انڈسٹری  بھی سوگوار ہے۔

دوسری جانب  بھارتی صدر رام ناتھ اور وزیراعظم نریندرا مودی نے بھی  معروف اداکار کی موت پر دکھ اورافسوس کا اظہار کرتے ہوئے ان کے خاندان سے تعزیت کا اظہار کیا ہے۔

Sorry to hear of the demise of Shashi Kapoor, well-known actor, with a repertoire of Indian and international films. His support for meaningful cinema as a producer and pivotal role in the theatre movement in India too are cherished. Condolences to his family

Shashi Kapoor's versatility could be seen in his movies as well as in theatre, which he promoted with great passion. His brilliant acting will be remembered for generations to come. Saddened by his demise. Condolences to his family and admirers.

Scroll To Top