ملک کنگال ہو چکا، معاشی ایمرجنسی لگائی جائے، زرداری

  • ملک معاشی لحاظ سے کمزور ہو رہا ہے تو کوئی تو ذمے دار ہوگا، نوازشریف بے قصور تھے تو کیوں نکلے جب بھی مسلم لیگ کو حکومت ملی اس نے ملک کو کنگال کیا
  • ضمنی انتخاب میں میاں صاحب کے حلقے میں مریم نوازگئیں تو راتوں رات کام ہوگئے‘پیپلزپارٹی کے شریک چیرمین کا پریس کانفرنس سے خطاب
پشاور: پاکستان پیپلز پارٹی کے شریک چیئرمین آصف علی زرداری پریس کانفرنس سے خطاب کر رہے ہیں

پشاور: پاکستان پیپلز پارٹی کے شریک چیئرمین آصف علی زرداری پریس کانفرنس سے خطاب کر رہے ہیں

پشاور( صباح نیوز) پیپلزپارٹی کے شریک چیرمین آصف زرداری نے کہا ہے کہ نوازشریف کہتے ہیں مجھے کیوں نکلا جب انہیں شک ہے اور اگر وہ بے قصور تھے تو کیوں نکلے ملک میں معاشی ایمرجنسی لگائی جائے، ملک معاشی لحاظ سے کمزور ہو رہا ہے تو کوئی تو ذمے دار ہوگا، جب بھی مسلم لیگ کو حکومت ملی اس نے ملک کو کنگال کیا، مسلم لیگ (ن) نے قرضہ بہت بڑھایا ہے جسے اتارنا بھی ہے، پیپلزپارٹی جب بھی حکومت میں آئی ایکسپورٹ اور فنانس بڑھی اور پیپلزپارٹی کی حکومت نے ہمیشہ پاکستان کاخزانہ بھرا۔ ہمارے دورمیں دنیا میں معاشی بحران تھا، اب ایسا نہیں، پچھلے چار سال میں نوازشریف نے کچھ نہیں کیا، لاہور کے حلقے این اے 120 میں ضمنی الیکشن ہوئے تو لوگوں کو روزگار ملا، ضمنی انتخاب میں میاں صاحب کے حلقے میں مریم نوازگئیں تو راتوں رات کام ہوگئے۔ ہمارے دورمیں ایک جج صاحب ٹکر میں تھے، گیلانی کو گھربھیج دیا تھا، ہمارے دور میں وزیراعظم کو گھر بھیجا گیا تو اقتدار کی منتقلی آرام سے ہوگئی تھی اور ہم نے کوئی جلوس نہیں نکالا، ہم نے یوسف رضا گیلانی کو احتجاج کے لیے بھی نہیں کہا پشاور میں پریس کانفرنس سے خطاب کر تے ہو ئے انہوں نے کہا کہ ن لیگ کو جب بھی حکومت ملی پاکستان کو کنگال بنایا پی پی کی جب بھی حکومت آئی ملک کو معاشی لحاظ سے مضبوط کیا معاشی لحاظ سے کمزور ہو رہے ہیں کوئی تو ذمہ دار ہو گا اب وفاقی حکومت کو الیکشن قریب آنے پر یاد آرہا ہے کہ لوگوں کو سولر سسٹم گیس اور ٹرانسفارمر کی ضرورت ہے میں خوش ہوں کہ دو چار ضمنی انتخابات آجائیں تا کہ غریبوں کو سہولیات ملیں لاہور این اے 120میاں نواز شریف کا حلقہ تھا وہاں چار سال میں کوئی کام نہیں ہوا جیسے الیکشن قریب آیا تو مریم نواز وہاں پہنچیں اور راتوں رات غریبوں کو راستہ اور نوکریاں ملیں این اے 4میں ہمیں اچھے نتائج کی امید ہے انہوں نے ہمارے 11ہزار لوگوں کو نوکری سے نکال دیا تھا وہ نوکریاں ہم نے ہائیکورٹ میں لڑ کر ان سے واپس لی ہیں پی پی کا ہمیشہ یہ منشور رہا ہے روٹی، کپڑا اور مکان ہم جب بھی حکومت میں آتے ہیں لوگوں کو نوکریاں دیتے ہیں ان سے لیتے نہیں ہیں ہمارا وعدہ ہے کہ اگر اللہ تعالی نے ہمیں دوبارہ موقع ملا تو دوبارہ وہی کریں گے جو پہلے کیا ہے ہم دوبارہ نوکریاں دیں گے بی بی کاز کو بڑھائیں گے اگر اللہ نے چاہا تو فاٹا کو کے پی کے کے ساتھ ملا کر اسے ایک صوبہ بنائیں گے جب وہاں رٹ ہو جائے گی تو خانہ جنگی بھی کم ہو جائے گی کے پی کے کے لیے ایک خاص پیکج بنایا جائے گا جب تک یہاں کے نوجوانوں کو روزگار نہیں ملتا اسے کوئی بھی غافل بنا سکتا ہے میں گزشتہ روز پرویز خٹک سے گاﺅں میں تھا وہاں نیا پاکستان تو نظر نہیں آیا البتہ کچرے کے ڈھیر ضرور نظر آئے کپتان کی نظر میں سب سے اچھا انسان پرویز خٹک ہے ہم نے پختونوں کو شناخت دی اس دھرتی سے پیار ہے سندھ اب تک ڈیڑھ سو میگاواٹ بجلی دے چکا ہے مگر انہوں نے ایک میگاواٹ بھی نہیں دی پہلے کہتے تھے ہم تین ماہ میں بجلی پوری کر دیں گے پچھلی دفعہ ہماری حکومت نہیں تھی ہم حکومت میں شریک تھے حکومت کسی اور کی تھی بہرحال ہم اس ذمہ داری سے ہم اپنے آپ کو مبرا نہیں کر سکتے اس دفعہ ہم لحاظ نہیں کریں گے جو ترقی کرنی ہے وہ کریں گے ہر جگہ پہنچیں گے اور لوگوں کی خدمت کریں گے ن لیگ حکومت نے بہت قرضہ لے لیا ہے جتنا قرضہ اس نے بڑھا دیا ہے اس کو کسی طرح لوٹانا بھی ہے ہمارے زمانے میں ہمیں کچھ جج صاحب ٹکر گئے تھے میرے وزیر اعظم کو انہوں نے گھر بھیج دیا تھا اس کے باوجود ہم نے صاف شفاف منتقلی کی ہم نے کوئی جلوس نہیں نکالے تھے یوسف رضا گیلانی کو احتجاج کا نہیں کہا تھا یہ ان کا طریقہ ہے یہ مری سے نکلتے ہیں جب اسلام آباد پہنچتے ہیں تو کہتے ہیں لوگ کم ہیں تو رک جاتے ہیں اور پوچھتے ہیں ہمیں کیوں نکالا ؟ اگر آپ کو کوئی شک تھا تو آپ نکلتے ہی کیوں ہیںاب بھی وزیر اعظم ہاﺅس خالی ہے تب بھی خالی رہتا اب وہاں بیٹھ کر ملاقاتیں کرتے رہتے ان کو جعلی مینڈیٹ ملا تھا میاں صاحب کو تو ابھی تک پتہ ہی نہیں چلا کہ کیوں سزا دی گئی آصف زرداری نے کہا کہ ہمارے دور میں ملک میں برآمدات میں اضافہ ہوا انہوں نے کہا کہ کالعدم تنظیم کیسے جمہوری تنظیم ہو سکتی ہے ہمارے ہاں ایک نیا لیڈر آیا ہے جو بار بار ہاتھ کھڑے کرتا ہے بہرحال ان کو بھی سیاست کا حق ہے مولانا صاحب تو ہمارے ساتھ رہے ہیں مذہبی جماعتیں تو سیاست میں پہلے سے ہی ہیں اب ایک نئی چیز آرہی ہے میں نہیں سمجھتا یہ ہماری قوم کے لیے اچھا پہلو ہے اب دیکھنا ہے شریف فیملی جیل جاتی ہے یا نہیں جو جدوجہد کرتا ہے اس کو اس کا پھل ملتا ہے واپس آکر جیلوں میں جائیں جدوجہد کریں اپنی پوزیشن بنائیں تو شاید کچھ بن جائے دیکھتے ہیں نواز شریف تکلیفیں برداشت کرتے ہیں یا نہیں ہم نے سوات کی جنگ کی آئی ڈی پیز کو سنبھالا وزیر ستان سے شرپسندوں کو بھگایا ہم ایک جنگ کی حالت میں تھے اس وقت حالات ایسے نہیں تھے جو آج ہیں آج فاٹا کو ساتھ ملانے کا وقت ہے سابق صدر نے کہا کہ ہمیں خطرات تو شروع سے ہی رہے ہیں تین جنگیں ہوئی ہیں خطرات تو ہیں ان خطرات کو سامنے رکھتے ہوئے بھی ملک کو چلانا ہے انہوں نے کہا کہ پی پی نے فاٹا کو سپریم کورٹ کے ماتحت لانے کا مطالبہ کیا تھابی بی جیل میں تھیں تو نعرہ تھا پی پی دوبارہ نہیں آئے گی مگر سب نے دیکھا وہ آئی۔

Scroll To Top