سی پیک پورے خطے کیلیے گیم چینجر ہے، سربراہ پاک فضائیہ

  • مسلح افواج کے ساتھ ملکر سی پیک کےلئے ناقابل تسخیر سیکیورٹی فراہم کرینگے،ایئر چیف مارشل
اسلام آباد: ایئر چیف مارشل سہیل امان ”پاک چین اقتصادی راہداری“ پر سمپوزیم سے خطاب کر رہے ہیں

اسلام آباد: ایئر چیف مارشل سہیل امان ”پاک چین اقتصادی راہداری“ پر سمپوزیم سے خطاب کر رہے ہیں

پاک فضائیہ کے سربراہ ایئرچیف مارشل سہیل امان کا کہنا ہے کہ ملکی فضائی حدود کی حفاظت میں پاک فضائیہ کا کلیدی کردار ہے اور فضائیہ مسلح افواج کے ساتھ ملکر سی پیک کے لیے ناقابل تسخیر سیکیورٹی فراہم کرے گی۔پاک فضائیہ کے زیرِ اہتمام ”پاک چین اقتصادی راہداری“ پر سمپوزیم ہوا جس میں سینیٹرز، حاضر سروس اور ریٹائرڈ بیورو کریٹس، چیمبر آف کامرس کے اراکین سمیت تینوں مسلح افواج کے افسران نے بھی شرکت کی جب کہ پاک فضائیہ کے سربراہ ایئرچیف مارشل سہیل امان بطور مہمان خصوصی شریک ہوئے۔تقریب سے خطاب کرتے ہوئے ایئرچیف مارشل سہیل امان کا کہنا تھا کہ پاک چین راہداری پورے خطے کیلیے گیم چینجر ہے اور سی پیک مشرقی اور مغربی ایشیا کو آپس میں ملانے کا باعث بنے گا جب کہ ملکی فضائی حدود کی حفاظت میں پاک فضائیہ کا اہم کردار ہے اور پاک فضائیہ مسلح افواج کے ساتھ ملکر اقتصادی راہداری منصوبے کے لیے ناقابل تسخیر سیکیورٹی فراہم کرے گی۔

Scroll To Top