پاناما کیس کےفیصلے پر شوبز ستاروں کا ردعمل

zسپریم کورٹ نے نواز شریف کو کرپشن کرنے اور پوری قوم سے جھوٹ بولنے پر نااہل قرار دے دیا ؛حمزہ علی عباسی؛فوٹوفائل

پاکستان سپریم کورٹ کی جانب سے سنائے گئے تاریخی فیصلے میں وزیر اعظم پاکستان نواز شریف کو نااہل قرار دے دیا گیا ہے۔ پاناما کا بخار سیاسی رہنماؤں اور سوشل میڈیا صارفین کے ساتھ ساتھ پاکستانی شوبز کے نامور اداکاروں پر بھی چڑھا ہوا ہے.

پاناما کیس کے حوالے سے پاکستانی شوبز کے نامور اداکار حمزہ علی عباسی نے سوشل میڈیا پر اپنی رائے کا اظہار کرتے ہوئے خدا کا شکر ادا کیا اورلکھا کہ سپریم کورٹ نے  نواز شریف کو کرپشن کرنے اور پوری قوم سے جھوٹ بولنے پر نااہل قرار دے دیا، بے شک اللہ حق ہے۔

Nawaz Sharif found guilty of corruption and lying & disqualified by Supreme Court of Pakistan. Beyshakk…. ALLAH Al Haq hai.

حمزہ نے ایک اور ٹویٹ کرتے ہوئے لکھا کہ ’’نوازشریف کےجانے کے بعد زرداری کی باری‘‘ ہے۔

معروف ٹی وی آرٹسٹ اور گلوکار علی گل پیر نے ٹویٹ کی ہے کرپشن ثابت ہوگئی خدا حافظ سابق وزیر اعظم۔

پاکستان شوبز انڈسٹری کی خوبرو اداکارہ ارمینا خان نے پہلے تو حیرانی کا اظہار کرتے ہوئے کہا کیا واقعی نواز شریف جارہےہیں؟بعد ازاں انہوں نے ایک اور ٹویٹ کرتے ہوئے لکھا ’’یہ پاکستانی قوم کیلئے تاریخی لمحہ ہے،نواز شریف جارہے ہیں، اب آپ کسے منتخب کریں گے؟

moment for the Pakistani Nation. is gone. So, whom will you guys choose now?

سابق ماڈل اور فیشن کوریو گرافر فریحہ الطاف نے ٹویٹ کی بالآخر احتساب ہوگیا، کیا کوئی زرداری کے پیچھے بھی جائے گا؟

Finally some Accountability! Will someone please go after Zardari?

معروف پاپ گلوکار بلال خان نے بھی ٹویٹ کرتے ہوئے لکھا یہ پاکستان کے مستقبل کیلئے بہت اچھا دن ہے۔

Ao Na, Larho Mujhay! What a day for the future of Pakistan. Overwhelmed.

 

Scroll To Top